Bardentreff Blaubeuren 2021
Session with Mandy Strobel, John Donarsky and Annette
Singen beim Warnstreik der IG BAU 2019 vor dem Werkstor bei Heidelbergzement Schelklingen
Beim Sommerfest der Freidenker 2017
CWF Koetz- An evening in August

I sott a Motorrädle hau

 

 

 

 

 

 

 

 

 

 

 


I sott a Motorrädle hau,
des ka wohl a jeder verschtau,
drum han i mir neilich oes kauft,
a Rädle, des saumäßig lauft.

I fahr ganz gmuetlich drauf los,
achtzg Kilometr sinds bloß
Potz Kuckuck, des daurat net lang,
bis i an ra Stroßeba hang.

Zwoi Weibr, dia haltet an Schwätz,
wia Goißböck  machet se Sätz!
ond sprengat direkt en mei Rad:
mirt stracket zu dritt em Salat.

Grad nom von dr Hofapothek,
do rast auf mi zu an Kolleg.
Z'mol hangt an meim Rädle sai Schua,
vom Haxa no an Fetza drzua.

I fahr liabr naus aus dr Schtadt,
dia Scutzleit hent mi auf dr Latt
Acht Schtrofzettl han i em Sack,
dia Denger send net nach meim G'schmack.

Jetzt fahr i aufs Land frisch drauf los
von henta und vorna schpritzt d'Soß,
überfahr en ra gotzige Schtond
drei Katza, vier Gäns und an Hond.

 

En Baur, der ladt grad Mischt,
do hab i a Gosch voll derwischt
da Hals han i hentersche gschreckt

s'hot net grad nach Kalbsbrota gschmeckt

Am Weg schtoht en schtoialter Ma,
den fahr i an'd Scheboiner na.
Der wird wohl sei A'denka hau,
am Rädle ond mir hot's nix dau.

Zwoi Auto, dia raset drher,
  hau glei denkt, des geit a Malöhr:
Dia Rammel, dia fahret um d'Wett,
und mi U'glückswurm sehat se net!

An dondrsmäßiga Krach,
i flieg bedäubt en a Lach'
wach erscht wiedr auf emma Saal:
se saget, des sei a Schpital.

Mein Kopf der schteckt em a Schlips,
ellas andre en Watte ond Gips.
So lieg i etzt kläglich em Nescht,
vom Kerle a trauriger Rescht.

Sei guat, daß i s' Rädle net sieh,
se saget, 's sieht grad aus wie i.
Mir send halt boid ausrangschiert
weil 's flicka sich nemme rendiert. 

 

Songs and lyrics in german and english [-cartcount]